Загадување на гумите: намалување на емисијата на автомобили со нови ЕУ ознаки на гумите

Гумите со поекономична потрошувачка на гориво значат пониска емисија на гасови. Предложените нови ознаки на гуми од ЕУ (Европската унија) ќе ви помогнат да изберете врз основа на ефикасност на горивото, влажниот зафат и нивото на бучава.

ЕУ се обврза да ги намали емисиите на стакленички гасови за најмалку 40% под нивото на 1990 година до 2030 година според Парискиот договор. Патниот транспорт е одговорен за околу 22% од емисиите на стакленички гасови во ЕУ, а транспортот е единствениот сектор каде што емисиите остануваат повисоки отколку во 1990 година. За да се постигне климатска неутралност до 2050 година, ЕУ сака да ги намали емисиите од транспортот 60% до 2050 година, споредено со нивото од 1990 година.

Пневматиците сочинуваат помеѓу 20% и 30% од потрошувачката на гориво на возилото, што значи дека изборот на гуми со поекономична потрошувачка на гориво може да помогне во намалувањето на емисиите во транспортот. Со цел да им помогне на потрошувачите да донесат информирани одлуки, ЕУ воведува нова шема за обележување на гумите.

Нови ознаки за да им помогнат на потрошувачите

Ознаките ќе содржат информации за ефикасност на горивото и за влажниот зафат, на скала од А до Г (слично на енергетската ознака за уреди за домаќинство), како и информации надворешното ниво на бучава, изразено во децибели.

Информациите за зафаќањето на снегот и мразот може да се додадат во иднина, како и информации за километражата и абразијата (одговорни за микропластично загадување) кога методот за тестирање станува достапен.

Ознаките мора да бидат јасно видливи за потрошувачите, да бидат изложени во сите ситуации кога гумите се продаваат, вклучително и преку Интернет, и треба да обезбедат QR код за лесно скенирање.
 

Придобивки од новите ЕУ ознаки на гуми

Новите ознаки за гуми ќе им овозможат на потрошувачите од ЕУ да изберат гуми со поекономична потрошувачка на гориво, што може да доведе до големи заштеди за нив во однос на трошењето, како и пониски емисии. Безбедноста на патиштата се подобрува преку подобар влажен зафат, додека информациите за нивото на бучава помагаат во намалување на загадувањето на бучавата предизвикано од автомобилите.
 

Следни чекори

Европскиот парламент ја одобри новата шема за обележување на 13-ти мај. Новите правила ќе стапат во сила на 1 мај 2021 година.
 
Извор:
Вести од Европскиот парламент