Search
Служби за продажба
Во многу индустрии, една од задачите на продажните тимови е периодично да ги посетуваат клиентите за да примат нарачки, за да проверат дали клиентите се задоволни и за да промовираат нови производи. Управувањето со тие возни паркови влијае врз продуктивноста на тимот и врз тоа дали ќе бидат задоволни клиентите. Треба да се потврди дека клиентите се посетуваат редовно и според планот.
Служби за услуги на терен
За ефикасен надзор на тимовите што извршуваат услуги на терен се потребни алатки за управување со возниот парк и за управување со работната сила за да се намалат оперативните трошоци, да се максимира продуктивноста и да се подобри опслужувањето на клиентите.
Особено е важно да може да се координира работењето на тимот, што вклучува правилно планирање и распределба на работата на тимови, навремено опслужување на клиентите и прифаќање ненадејна работа без да се прекинат операциите и претходно зададената работа.
Дистрибуција
Дистрибуирањето стока се прави со оптимизација на рутите за секое возило за да се минимизираат бројот на потребни возила и вкупната километража, без да се прегази рокот за подигнување и за испорака договорен со клиентот. Балансирањето на работниот товар на возачот е, исто така, дел од целата работа.
За службите што вршат дистрибуција, доста често се случува возилата да транспортираат стока или пратки од различни клиенти истовремено за да се оптимизираат трошоците и времето. При управувањето со возниот парк, треба да се реагира брзо и ефикасно кога не може да се исполни планот, на пример кога…
Служби за изнајмување автомобили
Службите за изнајмување автомобили мора да бидат сигурни дека клиентите правилно ги користат автомобилите. Тоа вклучува користење на автомобилите во предефинираните региони, возачко однесување што не е штетно за возилото и собирање ГПС-податоци што може да се искористат за да им се докаже на клиентите валидноста на паричните казни за пречекорување на брзината или за други сообраќајни прекршоци.
Поради големото ротирање на возилата во службите за изнајмување автомобили, ГПС-локаторите што се користат во тие возила обично се приклучуваат мануелно и може веднаш да се користат за да се избегнат…
Рударство
Еден од предизвиците на управувањето со возниот парк во рударството е подобрувањето на работата на возилото и осигурувањето на безбедноста и на сигурноста. Всушност, возилата често се користат во лоши временски услови. Покрај тоа, возилата постојано се користат и во тешкопристапни области. Ако нешто не е во ред, возачот треба да има можност да се јави за помош и автоматски да ги информира спасувачите за својата позиција.
Всушност, почитувањето на прописите за безбедност на возилата е една од најголемите грижи во рударската индустрија и вообичаено е дел од корпоративната политика на фирмата.
Патен превоз на патници
Управувањето со возниот парк на патнички превоз се користи за следење на минувањето на однапред дефинираните рути на ангажираните автобуси. Ова вклучува следење на времето на поаѓање и на пристигнување, известување на патниците за очекуваното време на пристигнување, како и следење на возачкото однесување.
Управувањето со возниот парк има голем ефект врз опслужувањето на клиентите и врз безбедноста, како и врз намалувањето на трошоците за гориво, издувните гасови, несреќите и одржувањето со избегнување на агресивното возење
Собирање отпадоци и рециклирање
Управувањето со возен парк на возила за собирање отпадоци е обично фокусирано на следење на минувањето на зададените рути со што се обезбедува собирање на секоја канта за ѓубре на патеката.
Покрај тоа, се анализира и возачкото однесување за да се намали ризикот од незгоди и за да се намалат потрошувачката на гориво и трошоците за одржување.
Градежна опрема
Скапата градежна опрема постојано се користи на оддалечени градилишта и се остава таму додека не се заврши градењето. Неопходно е да се следи овој имот, не само за да се избегнат кражби туку и за да се следи работењето на моторот, а со цел да се обезбеди негово одржување во вистинско време.
Во случај на изнајмена градежна опрема, често во договорот се вклучува и максималниот број часови на работа на моторот, а следењето на тој број е многу важно за да се избегнат казни и дополнителни трошоци.
Служби за итни случаи
Возилата на службите за итни случаи многу често се користат во ситуации во кои е загрозен животот. Затоа, управувањето со возниот парк е една од најважните алатки што ги користат службите за итни случаи.
Управувањето со возниот парк помага да го изберете најблиското расположливо возило во кризна ситуација, на пример. Овозможува и подобра, безбедна и јасна комуникација со возачите кога упатствата мора да се даваат во реално време за случувањата и без никакви недоразбирања.
Патен транспорт
Патен транспорт вршат фирмите за камионски превоз или пренос, или независно, во директна соработка со клиентот, или преку шпедитери или превозници. Возилата најчесто се состојат од трактор и од прикачена полуприколка.
Обично има многу строги прописи за работењето на овие возила, вклучувајќи и превезување на опасни материјали и ограничувања на времетраењето на возењето во Европа (работни часови во САД).
Поради високата потрошувачка на гориво на овие возила, фирмите за камионски превоз посветуваат особено внимание на сите фактори што може да влијаат врз потрошувачката, вклучувајќи го…