Шпанската влада ќе ги отстрани патарините

Новата шпанска влада ќе стави крај на патарините, каде што постојната 50-годишна концесија треба да заврши пред 2021 година.

ШНовата шпанска влада ќе стави крај на патарините, каде што постојната 50-годишна концесија треба да заврши пред 2021 година. Во интервју за "Ел Паис", Хозе Луис Абалос, новиот министер за развој рече дека одлуката ќе влијае на вкупно 468 км од АП-1 (Бургос-Армињон), АП-7 (Аликанте-Тарагона) и АП- 4 (Севиља-Кадис).
 
Ќе има ревизија на трошоците за патарина на автопатите "спасени" од страна на претходната влада, која ги стави на тендер. Новата политика се уште не е целосно потврдена, бидејќи има потреба да се оцени иднината на патиштата со министерствата за финансии и економија. Ова е потребно првенствено поради висината на надоместокот што државата мора да го плати на поранешните концесионери и второ поради приходите од можна реприватизација, коишто влијаат на државниот дефицит. Абалос е јасен дека во моментов не постои дефинитивна бројка што може да се претпостави од јавната каса.
 
Извор:​ El País